“Unë me Sarën si Luizi me Kiarën”, Ledri Vula mbështet konkurrentin e Big Brother VIP Albania në koncertin e tij

13:06 | 9 Mars 2023
A. B.

Këngëtari shkodran, Luiz Ejlli është në qendër të vëmendjes që kur u bë pjesë e Big Brother VIP Albania në dhjetor të vitit të kaluar.

Ai ka arritur që të rrëmbej zemrën e publikut duke u kthyer në kryefjalën e edicionit të këtij viti të BBVA.

Por, Luizi ka fituar edhe simpatinë e emrave të njohur të skenës së muzikës shqiptare në mesin e tyre edhe të reperit nga Kosova, Ledri Vula.

Reperi së fundmi ka përmendur këngëtarin dhe banorin e shtëpisë më të famshme në Shqipëri në një nga koncertet e tij.

Ledri fillimisht ka përshëndetur partneren e tij, Sara Hoxha dhe valltarin Luixhino Hala të cilët ndodheshin në audiencë. Më pas publiku ka thirrur emrin e Sarës dhe në këtë moment Ledri iu bashkua brohoritjeve duke thënë emrin e Luizit.

“Luizi, Luizi, unë me Sarën si Luizi me Kiarën”, ka thënë reperi që u mirëprit nga fansat që ishin të mbledhur për ta parë nga afër performancën e tij.